بحث هذه المدونة الإلكترونية
#عيد #الأم:
الست اللي بتجننها وتجننك
اللي بتعيش ببركتها سواء معاك ع الارض او سبقتك ع السماء تصليلك لغايه ما تحصلها
اللي كل ما بتكبر بتفهم انها فى كل حاجه بتخليك تعملها غصب عنك هى عاوزه مصلحتك
بلاش مشاعر سلبيه وتقول احتفل بهدوء
هو مامته عايشه اصلا انت كده بتأكدله حاجه مش صح انها ماتت
انت بتقول للى مامته سبقته ع السماء انها ملهاش وجود ولا حاسه بيه ولا لسه بتباركه لغايه اللحظه دى
الهنا اله احياء وليس اله اموات
الموت حياه جديده
بدل ما تخليه بكلامك يصعب عليه نفسه قوله قوم هات هديه لاقرب حد ليك
بعدها .. فرح ام فقيره فى الشارع اكيد هيلاقى قلب ودفي كبير بيحضنه بريحه
امه
بلاش مذايدات وبلاش حد يعيش الدور قوى من الطرفين "اللي امه عايشه ع الارض واللى امه عايشه فى السماء"
بتبقي امهاتنا معانا وبنجننها وبنعلى صوتنا عليها وبنعند معاها
واللي مبيزورهاش بالشهور والسنين
واللي فى بيت واحد ومش بيكلمها
واللي مبيعرفش قيمتها غير ع الفيس بس
اللي كان بيعمل كده وسبقته ع السماء يقولها سامحينى وسامحى تقصيري
واللى موجوده معاه يشكر ربنا انه لسه مديله فرصه يصلح من نفسه
افرح بامك وعيد عليها واطلب بركتها سواء موجوده ع الارض او فى السماء
"سالي"
