بحث هذه المدونة الإلكترونية
يا غالي بيرخصوك
لما تشوف قياداتك سايبينك وبيهربوا ..بيحلقوا دقونهم وشنابهم من جبنهم بيتنكروا
ياغالي عندى وبقولها بجد وبيقتلنى فكره رخصك عند ناس بدمك بيتاجروا ويستهتروا
صعبان عليا كل قرش اتصرف فى تعليمك علشان تبيع دماغك لواحد قوام لو عاندته ينادى بتكفيرك
لما اكون بعرف اميز و بعقلي وبقلبي عمرى ما بجمع بين قياده ارهابيه وبين زميل ليا ضحيه
والقي كل حد فيكم بيتاجر بدم غيره.. مسمى كل حد تانى انقلابي ياخرابي
وكل يوم بشوف دعاوى بالحرايق تبدى باللهم .. اللهم ايه يا مؤمن دى صلاتك واللا غمه
فين ياعمى الانسانيه .. هوس اكتم صه يا كافر انا مش بايع القضيه
دم رابعه والصوابع مش هنسيبلك الشوارع راح نفجر راح ندمر حتى لو كانت صوامع
بالريموت هندوس يا بيه من بعيد ماتقولش ليه والفلوس معانا جاهزه وراح نشحح ليكم بكره الجنيه
كل شئ مباح ياعالم بعد ماانقلبتوا يومها ع الشرعيه .. اعلنا نموت ونرخص وننادى نهار وليل بالاسلاميه
ليه ياحبي بتترعب كل اما اقولك تلاتين سته .. لانك يومها عرفت حجمك نقطه صلصه ع البافته
تاخدنى جري في حاره سد للتجاره بدم اخوك اللي مات محروق فى رابعه..حد قالك انى واحده اعصابي ساقعه
يا ابنى انت صعبان عليا يبيعوك يسترخصوك يحمو فيك ويسخنوك تتسجن تولع في داهيه وهو يهرب ويجيبوه من ع الحدود
"سالي"
ليست هناك تعليقات:
إرسال تعليق