لماضه قلم"بقلم سالي ملاك"
بحث هذه المدونة الإلكترونية
الأربعاء، 4 ديسمبر 2013
بلا قافيه
بلا قافيه هتسمعونى بالعافيه
هقول كلام هيتعبكم ويعجبكم وتمصوا وراه فى شفتكم
بلا قافيه
تعدى ايام وبسمه هبله على وشك ما بتفارقكش.. تفرح بيها كل الناس. ولما تيجى مع نفسك تقول مامعكش
بلا قافيه
هنفضل طول العمر ننصح كل يوم غيرنا.. ويفضل شرهم لينا .طالما شبعوا من خيرنا
بلا قافيه
ولما تحتاج حضن في يوم يردوا يقولوا يا خساره ما كان موجود لكن ما فاضلش
بلا قافيه
وترجع تنسي وتسامح قسوتهم وغباوتهم. اقولك ايه؟ خساره قوالتى .طالما شايفك اسد بصحيح لكن مخالبه ما تخربشش
بلا قافيه
ماهو اصل صوت ربنا جواك تمللى فى كل خطوه معاك ..يقول سيبك من اللي رماك .. حب وسامح وما تكرهش
بلا قافيه
انا غلطانه يا اسيادنا تمللى على نفسي اجى واقول يا ستى خليكى لطيفه.. بسكوتى عن حقى يوماتى شافونى قال بت ضعيفه
بلا قافيه
مع انى من اول نظره بحكم على غيري ويطلع صح.. واعرف مين فيهم ناصح ومين غشاش ومين خداع ولابس توب واحد مصلح
بلا قافيه
ومين صحوبيته ليا مصالح علشان شيت يلبد ويبيض وفاكرنى عبيط .. ومن يدخل بتسبيله وضحكه ونظره ميعرفش انى عكسه حويط
بلا قافيه
ومين فى وشي يتمنى لعيلتى الخير ويجى فى ظهرى يراقبنى وتحرقه نار الغيره منى اصلي متحاوطه بحب الغير
بلا قافيه
ومين عاوز يمضينى على عقد صداقه احتكار .. طالما صاحبته اكره غيره وامشي وراه كده زى الفار
بلا قافيه
ومين هواياتنا قعداتنا ويمكن حتى كلماتنا وغمزاتنا وضحكاتنا بيبقي ليها طعامتها اللي تظهر وقت لمتنا
بلا قافيه
هعيش وهسيبنى من الاحقاد .. واكيد هحقق الامجاد .. واللي يتغاظ طبيعى حقه مهو اكيد من الاوغاد
بلا قافيه
" سالي "
ليست هناك تعليقات:
إرسال تعليق
رسالة أحدث
رسالة أقدم
الصفحة الرئيسية
الاشتراك في:
تعليقات الرسالة (Atom)
ليست هناك تعليقات:
إرسال تعليق