عرايا

وقابلت واحده فى يوم وبقولها فلانه شخصيه مفيش زيها ..ترد وتقولى يا خايبه متعرفيش انتى اصلها وفصلها

شايفه هدومها مش بعيد من العتبه او حتى شارياها فى نهايه الموسم وهى متسربعه

انا لبسي طول عمره من بره ويوماتى تلاقينى متبضعه

اقول فلانه عسوله فى فستان الفرح تقول ده ماركته ايه؟؟..

معلهش معذوره عيونها من الزعل والغيره والحسد مش شايفه اى جمال لازم تعايب فيه

واقول رايحين لصاحبتنا فى بيتها لمتنا معاها بس بتحلى .. تقول فين؟ في العش ؟ ويقدمولكم ايه ؟ المش؟

لا ديكور ولا منظر وبره تتمنظر بحبكوا بتظهر ..وبيتها اوضه وصاله فى الحقيقه ممر سيبوكوا منها انا بيتى ما بيدخلوش الحر حتى فى عز الظهر

.

.

.

.

كل من تباهى بماركه ثيابه او موبايله او حقيبته او حتى ديكورات شقته ظانآ انها تعلى من قيمته

فشخصيته عاريه

يكسيها بورق التين الذى سرعان ما يتساقط امام ناظريه

ان اردت ان تفتخر افتخر بحسن علاقتك بالله والاخر

وكلامى مش هيعجب الناس دى فى الاخر "سالي"